لاتنشد المشتاق وشلـون يشتـاق### هـذا السـؤال اللـي بليـا إجابـه

السلام عليكم ورحمة الله وبركاته :

وللمااااااااااااضي حنين .....!

أسعد الله أوقاتكم بكل خير ...

بعد أنقطااع دااام قرابة السنه عن هالمنتدى ...!

أليكم هالقصيده للتواصل ..

لاتنشد المشتاق وشلـون يشتـاق
هـذا السـؤال اللـي بليـا إجابـه
الحب من ربي يجي كلـه أشـواق
من غير ماتعلم وتحسـب أحسابـه
الحب مايعرض بضاعه بالأسـواق
ولاهو مثـل حـب اللهو والدعابـه
ولاهو مثل ماقيل طـاقٍ وطربـاق
لامن تعافـى خاطـره صـك بابـه
ولاهو مثل من ساق حبه على أنفاق
لو هو تعلـق فـي هـواه ولهابـه
الحب له نكهه على القلب تنسـاق
بخت الذي جاه الهوى ثـم سرابـه
بذكرلك الزبده على صـدر الأوراق
من غير مازود في نـص الكتابـه
الحب ساس الحب حـبٍ بالأخـلاق
بخت الذي جاه الهوى ثـم حيابـه
حبٍ شريفـن لانهايـه ولا أفـراق
بشرع ربـي والنبـي والصحابـه
وأن كان تنشدني أنا شلون مشتاق
طالع عيوني شرط تلقـى الإجابـه